May 14, 2023
Стотина вљубеници на планинскиот велосипедизам, од цела Македонија ја започнаа Третата велосипедска тура во Дебрца, која годинава во организација на Здружението за планински велосипедизам Рупикапра МТБ Струга се вози по патеките на Караорман.
Во организација на здружението за планински велосипедизам Прв до врв Скопје, во 2019 година на Караорман и Славеј Планина се одржа првата велосипедска тура, а во 2021 втората велосипедска тура се возеше од село Годивје до Бабин Срт ( 2241 м.н.в. ) , врвот на Стогово и назад.
Градоначалникот Ногачески Поздравувајќи ги учесниците на денешната планинска велосипедска тура, посебно истакна дека општина Дебрца располага со доста неоткриени природни убавини, кои што се привлечни за љубителите на природата, екологисти, планинари, а во поново време и љубители на планински велосипедизам.
На учесниците им посака успешен настан, посебно да ја почуствуваат недопрената природа и притоа да се напојуваат од слободарскиот дух на овој крај.
Општина Дебрца во целост го поддржува овој спортско-рекреативен настан, бидејќи преку истиот се промовираат здравиот начин на живот, природните убавини, историското и културното наследство на Дебрца.
May 13, 2023
Во село Лактиње, во централниот дел на селото во тек се градежни активности за регулација на дел од главниот канал за наводнување.
Во должина од 110 метри каналот ќе биде уреден со коругирани одводни цевки фи 250, а во должина од 22 метри ќе биде отворен и бетониран, покриен со метална решетка.
Вкупната вредност на работите изнесува 313.054 денари, а средствата се обезбедени од буџетот на општината за 2023 година.
May 12, 2023
Општина Дебрца, ЈКП ,Дебрца” и ООУ ,,Дебрца” успешно ја спроведоа акцијата за собирање и чистење на отпад Во организација на “МЕН EНД МАУНТЕН”, Заедно со Пивара Скопје и ПАКОМАК, со поддршка од Нула Отпад и Шпаркасе Банкa.
Aкција започнa во 9 и 30 часот на две локации и тоа: Училишниот двор на ООУ,, Дебрца”- село Белчишта и пред Административната зграда на Општина Дебрца – село Белчишта.
Двете Групи составени од Учениците на ООУ,, Дебрца” Наставниците техничкиот пероснал на ООУ,,Дебрца” и Дел од Аминистрацијата на Општина Дебрца како и Градоначлникот заеднички пристапија на чистење на главната улица од влезот на село Белчишта, дел од регионалниот пат Ботун-Брежани, како и влезот од правец на село Злести кон село Белчишта, центарот пред Општина Дебрца, како и Училишниот Двор на ООУ ,, Дебрца”.
Собраниот одпад ќе биде подигнат од страна на ЈКП ,, Дебрца “ и соодветно депониран.
Општината и понаката ќе ги подржува ваквите акции бидеќи Грижата за животната средина е наша обврска !!!.
May 12, 2023
Општина Дебрца Ве информира дека е подготвена Физибилити студијата за енергетскa ефикасност за улично осветлување во општина Дебрца.
Со цел да ја презентираме и претставиме и воедно да разговараме за мерките кои може да се имплементираат во рамки на 3 (три) разгледани технички сценарија заедно со финансиската анализа, Општина Дебрца организира состанок во среда (17.05.2023) во 11:00 часот во просториите на општина Дебрца.
На состанокот ќе присуствуваат членовите од Одборите на Корисници, релевантни лица од општината, Градоначалникот и координарот на проектот.
Презентација ќе извршат стручни лица / претставници од Единицата за спроведување на ПЕЕЈС при Министерството за Финансии на Република Северна Македонија, како и од консултантската екипа која ја изработуваше студијата.
May 3, 2023
Завршена е реконструкцијата на општинската зграда во село Белчишта / прва фаза,во која се изврши реконструкција на кровната конструкција,спомен собата од НОБ и поставување на ПВЦ дограма во деловите каде не беше поставена.
Проектот се реализира преку Центарот за развој на Југозападниот плански регион,Програма за рамномерен регионален развој 2022-2023.
Вкупната вредност на работите изнесува 4.461.007 денари,од кои 3.695.600 денари ги обезбеди Центарот на ЈЗПР,преку Бирото за регионален развој, а 729.544 денари се учество на Општина Дебрца.
Во втората фаза,за која е поднесена апликација за користење на средства од Програмата за рамномерен регионален развој 2023-2024 се планира целосна реконструкција на зградата, вклучително и големата повеќенаменска сала.
Во 2023 година со средства од буџетот на општината ќе се реализираат и следните активности:
-санација на кровна конструкција на Дом во село Врбјани,
-реконструкција на кровната конструкција на Дом во село Годивје,
-реконструкција на објект на месна заедница/стара училишна зграда во село Песочани,втора фаза / надворешна фасада.
Apr 27, 2023
Општина Дебрца, ЈКП Дебрца и ООУ Дебрца се приклучуваат кон акцијата за собирање и чистење на отпад Во организација на “МЕН EНД МАУНТЕН”, Заедно со Пивара Скопје и ПАКОМАК, со поддршка од Нула Отпад и Шпаркасе Банка на 12.05.2023 година каде е предвидено акција да започне на две локации и тоа: Училишниот двор на ООУ,, Дебрца”- село Белчишта и пред Административната зграда на Општина Дебрца – село Белчишта. Учесниците заеднички ќе пристапат на чистење на главната улица од влезот на село Белчишта, Плато пред Општина Дебрца, како и Училишниот Двор на ООУ ,, Дебрца”.
МЕН ЕНД МАУНТЕН ја организира оваа пролетна акција за чистење секој втор викенд од Мај во период од десет години: почнувајќи од 2021 се до 2031 година (од 30-ти до 40-тиот роденден на нашата земја) со цел да се исчисти отпадот кој се создава и да го рециклираме во зелена иднина за нас и за генерациите кои доаѓаат.
Оваа ГЕНЕРАЛКА ВИКЕНД 23 ќе се одржи на 12.-14. Мај 2023 година во
53 општини – што претставува повеќе од 1.500.000 граѓани. Годинешната ГЕНЕРАЛКА ВИКЕНД вклучува:
– 53 општини учеснички
– повеќе од 85% од вкупното население на Северна Македонија
– повеќе од 13.000 волонтери
– повеќе од 400 училишта
Согласно меморандумот меѓу Министерството за земјоделство и ДОО „Мен енд Маунтен “Организаторот има цел за секои 10 килограми собран отпад да биде засадено по едно дрво и да се формира шума што ќе расте секоја година со секоја ГЕНЕРАЛКА.
Macedonian
Albanian
Dutch
English
French
German
Greek
Polish
Serbian
Turkish