Aug 26, 2019
Република Северна Македонија
Проект за подобрување на општинските услуги (MSIP)
MSIP-SH-MUN-DEB-01-19
1. Овој Повик за поднесување на понуди ја следи општата објава за набавки за овој проект објавена во изданието на UN Development Business со бр. 767 од 31 јануари, 2010 година (печатено издание) и електронски објавена на 06 јануари, 2010 година.
Република Северна Македонија доби грант средства од Европската комисија во рамките на ИПА фондот за рурални инвестиции на Европската комисија за реконструкција и развој за Проектот за подобрување на општински услугите (МСИП) и има намера дел од добиените средства од овој кредит да ги искористи за плаќања по договор за: Подобрување на општинските услуги преку набавка на нова IT опрема
2. Општина Дебрца ги повикува соодветните и квалификувани Понудувачи за набавка на добра – IT опрема да ги достават своите запечатени понуди.
3. Поднесувањето понуди ќе се спроведе преку процедури за купување како што е специфицирано во Упатството на Светска банка: Набавка со средства добиени од IBRD заеми и IDA кредити од јануари 2011 година, и е отворен за сите Понудувачи од квалификуваните држави како што е дефинирано во тендерската документација.
4. Заинтересираните Понудувачи може да добијат дополнителни информации на наведената адреса од 08:00 до 16:00 часот.
Општина Дебрца
Адреса: с. Белчишта бб, 6344
До: Ангел Секулоски
e-mail: asekuloski@gmail.com
Тел: +38946286855; +38978236060
5. Заинтересираните Понудувачи бесплатно ќе ја добијат комплетната тендерска документација по поднесувањето на писмена апликација на горенаведената адреса.
6. Понудите мора да се достават на горенаведената адреса до 12:00, пладне на 10/09/2019. Електронско доставување на понуди не е дозволено. Задоцнетите понуди ќе бидат одбиени.
Jul 30, 2019
Минатата година, поаѓајќи од барањата на граѓаните отпочнавме со проектот “Изградба на бетонски пропусти на локални и полски патишта и улици во општина Дебрца”.
Проектот опфати повеќе активности : поставување на армирано бетонски цевки за премостување на водотеци, изградба на бетонски влезни и излезни шахти за пропусти, крилни ѕидови, изградба на бетонски канали за вода со или без метални решетки и друго.
Реализиравме :
-зафаќање и регулација на атмосферските води на две улици во село Мешеишта,
-премостување со армирано бетонски цевки на три локации на водотеци во село Лактиње,
-изградба на канал со метална решетка на улица во село Врбјани,
-изградба на канал со метална решетка на улица и поставување на бетонски цевки по одводен водотек во село Оздолени,
-премостување на локален пат Сл.Чифлик – Слатино,
-премостување на локален пат за село Сливово,
-премостување на улица во село Песочани и на пат село Песочани – Радомирово,
-изградба на канал со метална решетка, бетонски пропуст во село Брежани и санација на мост на пат село Велмеј-село Брежани,
-санација на мост на улица и изградба на пешачки мост и бетонски пропуст на водотек во село Оровник,
-поставување на бетонски цевки преку бразда за наводнување на полски пат во село Лешани.
Вкупната вредност на изведените работи изнесува 1.596.000 денари без ДДВ, а средствата беа обезбедени од Буџетот на општина Дебрца.
Навидум ситни, ама за граѓаните битни активности.
Проектот продолжува и оваа година.
May 27, 2019
Денес градоначалникот Зоран Ногачески присуствуваше на презентацијата за проектот: “Одржлив и инклузивен рамномерен регионален развој, што го имплементира Министерството за локална самоуправа и Кабинетот на заменик претседателот на Владата, задолжен за економски прашања, а со поддршка на Швајцарската агенција за развој и соработка ( СДЦ ).
Во рамките на проектот има грантови шеми за инвестициски и иновативни проекти, за кои општините аплицираа преку Центарот за развој на Југозападниот плански регион.
Општина Дебрца аплицираше и доби средства во двете грантови шеми.
Во грантовата шема за инвестициски проекти аплициравме со проектот: “Уредување на атрактивни зони и патеки во Југозападниот плански регион” и со одобрените околу 20.000 CHF ќе внесеме нови туристички содржини на Слатинско Езеро ( со автохтон камен ќе се уреди пешачка патека во должина од 150 метри, ќе се изгради паркинг, три летниковци и ќе се постави урбана опрема), а новата патека ќе се постави на Андроид ГИС апликацијата SW Macedonia attractions.
Следна задача ќе ни биде да ги анимираме сите чинители, а особено АД “Водостопанство на Македонија”, кое стопанисува со овој воден ресурс, по завршената санација на браната да се изврши чистење на езерото од вегетацијата и да се врати неговата природна убавина.
Во грантовата шема за иновативни проекти аплициравме со проектот: “Визуелизација на туристички атракции во Југозападниот плански регион” и со одобрените средства ќе се набави инфо киоск, кој ќе се постави на инфо точка ( info touch panels ), пред општинсклата зграда, во село Белчишта, со текстови и фотографии на туристички атракции во општина Дебрца, со превод на содржините на англиски јазик, софтверско решение за презентација на туроистичките атракции, односно ќе се обезбеди достапност до информации преку инфо точките за граѓаните и туристите. За овој проект се обезбедени 38.980 CHF за 4 општини ( Дебрца, Дебар, Вевчани и Македонски Брод ).
May 18, 2019
очитувани,
Ве информираме дека на 27.05.2019 (понеделник) ќе се организира ПОДГОТВИТЕЛНА ИНФОРМАТИВНА СЕСИЈА за Нацрт извештајот за стратегиска оцена на животната средина од спроведување на Планот за управување со природно и културно наследство во Охридскиот регион.
Подготвителната информативна сесија се организира во согласност со препораките на Архускиот жалбен комитет и член 6 од Архуската конвенција за рано вклучување на засегнатата јавност во процесот на донесување на одлуката за Планот за управување со светското природно и културно наследство во Охридскиот регион и има за цел запознавање на засегнатата јавност со процесот, податоците со кои се работи и документите кои се користат или секциите кои се подготвени, а за кои е потребно рано информирање на засегнатата јавност.
Настанот ќе се одржи во Салата за состаноци во општина Охрид, со почеток во 13 часот.
За учество во подготвителната информативна сесија се поканети сите засегнати страни согласно Одлуката за спроведување на Стратегиска оцена на животната средина на Планот.
За изработка на Планот за управување со природното и културното наследство во Охридскиот регион е одговорно Министерството за култура – Управата за заштита на културното наследство и Министерството за животна средина и просторно планирање – Управа за животна средина – природно наследство, а го донесува Владата на Република Северна Македонија.
КАНЦЕЛАРИЈА ЗА КОМУНИКАЦИЈА СО ЈАВНОСТ
Apr 2, 2019
Општина Дебрца имајќи ги во предвид своите законски надлежности во доменот на заштитата на животната средина и здравјето на граѓаните, отпочна со постапка за изработка на Локален еколошки акционен план (ЛЕАП). Овој документ претставува највисок локален стратешки документ за управување и заштита на животната средина на ниво на општина. ЛЕАП документот претставува основа за планирање на заштитата на животната средина во период од 6 години, преку проценка на моменталната состојба, идентификација на проблеми, дефинирање на мерки за заштита, зголемување на јавната свест и следење на имплементацијата.
Вклучувањето на јавноста во изработката на ЛЕАПот е од суштинско значење, поради што општина Дебрца ја повикува целата јавност во изразување на своето мислење преку пополнување на анонимен анкетен прашалник за испитување на јавното мислење околу проблемите со животната средина. Во продолжение ќе го најдете линкот до прашалникот што може електронски да го пополните.
Исто така, сите оние граѓани кои активно сакаат да земат учество со свој допринос во некоја од работните групи за изработка на ЛЕАП ги охрабруваме да се пријават и да ги остават своите податоци во општина Дебрца. Нацрт План за вклучување на јавноста
Анкетен прашалник за испитување на јавното мислење: ТУКА
Прашалникот ќе биде активен во период од еден месец од денот на објавување на соопштението.
Ви благодариме однапред.
ОПШТИНА ДЕБАРЦА
Градоначалник
Зоран Ногачески
Apr 1, 2019
Со денешниот ден и официјално општина го започна пролетното чистење кое континуирано ќе се спроведува во наредните месеци, се со цел чиста и зелена општина Дебрца.
Сите овие еколошки активности ќе бидат под мотото: “Не фрлај, не загадувај! Немаш изговор!”
Почнавме со чистење на дивата депонија покрај патот село Издеглавје – село Оздолени.
Изразувам голема благодарност до фирмата ЗК “Агро Михајло”, сопственост на Паско Тодороски, која како општествено одговорна фирма го помогна чистењето на депонијата.
Апелирам, сите да бидеме општествено одговорни и совесни граѓани и да не го загадуваме она што природата ни го дарила. – изјави градоначалникот Зоран Ногачески.
Macedonian
Albanian
Dutch
English
French
German
Greek
Polish
Serbian
Turkish