Dec 16, 2019
Република Северна Македонија
Проект за подобрување на општинските услуги (MSIP)
MSIP-SH–MUN-DEB-01-19
- Овој Повик за поднесување на понуди ја следи општата објава за набавки за овој проект објавена во изданието на UN Development Business со бр. 767 од 31 јануари, 2010 година (печатено издание) и електронски објавена на 06 јануари, 2010 година.
Република Северна Македонија доби грант средства од Европската комисија во рамките на ИПА фондот за рурални инвестиции на Европската комисија за реконструкција и развој за Проектот за подобрување на општински услугите (МСИП) и има намера дел од добиените средства од овој кредит да ги искористи за плаќања по договор за: Подобрување на општинските услуги преку набавка на нова IT опрема
- Општина Дебрца ги повикува соодветните и квалификувани Понудувачи за набавка на добра – IT опрема да ги достават своите запечатени понуди.
- Поднесувањето понуди ќе се спроведе преку процедури за купување како што е специфицирано во Упатството на Светска банка: Набавка со средства добиени од IBRD заеми и IDA кредити од јануари 2011 година, и е отворен за сите Понудувачи од квалификуваните држави како што е дефинирано во тендерската документација.
- Заинтересираните Понудувачи може да добијат дополнителни информации на наведената адреса од 08:00 до 16:00 часот.
Општина Дебрца
Адреса: с. Белчишта бб, 6344
До: Ангел Секулоски
e-mail: asekuloski@gmail.com
Тел: +38946286855; +38978236060
- Заинтересираните Понудувачи бесплатно ќе ја добијат комплетната тендерска документација по поднесувањето на писмена апликација на горенаведената адреса.
- Понудите мора да се достават на горенаведената адреса до 12:00, пладне на 30/12/2019. Електронско доставување на понуди не е дозволено. Задоцнетите понуди ќе бидат одбиени.
Градоначалник на Општина Дебрца
Зоран Ногачески
Dec 13, 2019
Вчера градоначалникот на општина Дебрца, Зоран Ногачески ги прими учениците и наставниците од О.У.Дебрца кои реализираа посета во Бургос, Шпанија во рамките на проект од Еразмус + програмата.
Моите гости ме информираа за импресиите кои ги носат од посетата на Шпанија, а јас им ветив дека и во наредната година ќе ги поддржуваме сите активности на Основното училиште.- изјави градоначалникот Ногачески по спредбата
Dec 13, 2019
Вчера во општина Дебрца се одржа инфо сесија за ЕУ ИПА 2020 проекти, на која консултанти ангажирани од Делегацијата на ЕУ во Македонија ја презентираа новата Програма на ЕУ ИПА 2020 година, за чии грантови со свои проекти ќе можат да аплицираат општините.
Акцентот на програмата е ставен на поддршка на иновативни проекти, со поединечна вредност до 500.000 евра.
На вчерашната сесија претставниците на општината, членовите на советот на општината, општинските установи, месните заедници, бизнис секторот и невладините организации можеа да се запознаат со новата програма и да разменат мислења и првични размисли за идни проекти на општината.
Општина Дебрца моментално имплементира два проекти , во рамките на Програмата на ЕУ за прекугранична соработка (со Грција и Албанија), а се надевам дека во наредниве шест месеци ќе разработиме иновативна идеја, ќе подготвиме добра апликација и добиеме нов грант од ЕУ ИПА фондовите
.
Dec 11, 2019
Утре (12.12.2019) со почеток во 10:00 часот во просториите на општина Дебрца, ќе се одржи инфо сесија за ЕУ ИПА 2020 проекти.
Сесијата ќе ја водат консултанти ангажирани од Делегацијата на ЕУ во Република Северна Македонија. Целта на состанокот е да се слушнат најразчични идеи и мислење од различни целни групи, за финансирање на нови иновативни проекти кои ќе бидат финансиранин од ЕУ.
Општина Дебрца ги поканува сите НВО, месни заедници, граѓански форуми, здруженија, приватни компании и останати лица кои се заинтересирани со своите идеи да допринесат за развој на идните проекти во општина Дебрца.
Nov 19, 2019
Денес во градот Gramsh, регион Елбасан, Албанија, а кој брои околу 9000 жители и е центар на општината Gramsh, со околу 36.000 жители градоначалникот Зоран Ногачески оствари средба со Градоначалникот Klodian Tace.
Средбата беше по повод започнувањето со реализација на проектот „Нови можности за безбедни зимски авантури“,кој во рамките на Програмата на ЕУ за прекугранична соработка меѓу Македонија и Албанија ќе се финансира со европски пари.
Носител на проектот е Црвениот Крст на Македонија, Општинска организација Охрид, а партнери се општина Дебрца и Алпинистичкиот клуб “Патагонија”,Охрид од македонска страна и општина Грамш, од албанска страна.
Проектните активности носат бенефит за сите партнери, а во Дебрца во рамките на проектот ќе се изврши реконструкција на старата училишна зграда во село Брежани и нејзина адаптација во Планинарски Дом, опремен со 25 легла, за што се планирани 85.000 евра, поставување на пропусти за зафаќање на атмосферските води на патот село Брежани-Илинска Планина, набавка на возило, со потребната опрема за спасување во планина, обуки и други активности.
На средбата со мојот домаќин посебно го искажав моето задоволство што ќе можеме да соработуваме како две општини, кои имаат одлични предуслови за развој на планинскиот, зимскиот и авантуристичкиот туризам. – изјави Ногачески по средбат Изразив надеж дека денешната средба е почеток на успешна соработка меѓу двете општини, не само на имплементацијата на конкретниот проект, туку и на други идни проекти од заеднички интерес.- изјави Ногачески по средбата
Oct 31, 2019
Денес градоначалникот Зоран Ногачески и проектниот координатор на Здружението за екологија и туризам “Екотуризам 2016″ Охрид, Ѓоко Зороски потпишаа договорот за донација, со кој на општина Дебрца на трајно владение и се предадени туристичка инфраструктура и промотивни материјали за Белчишкото Блато “Сини Вирој” и тоа :
-објект: “Набљудувачница”, поставен во м.в. “Ветерник”,
-два објекти: “Видиковец” ,поставени во м.в.”Воденичиште” и м.в.”Сини Вирој”,
-пет објекти: “Информативен знак”, поставени во м.в.”Ветерник”, м.в.”Чавлиева Краста”, м.в.”село” , Белчишта ( два ) и м.в.”село”, Ново Село,
-објект: “Брендирана автобуска постојка” со едукативни постери за Белчишкото блато, во центарот на село Белчишта,
-10 парчиња грбни прскалки за гаcнење пожар,
-маици со логото на Белчишкото Блато,
-разгледници со мотиви од блатото.
Целта на донацијата е остварување, унапредување,промоција и поддршка на активностите на проектот “Подобрување на управувањето и одржливо користење на Белчишкото Блато ( Сини Вирој )”, кој го спроведува здружението „Екотуризам 2016“ и канцеларијата на UNDP, Скопје и е дел од проектот “Подобрување на управувањето со заштитените подрачја”, финансиран од ЕУ, со поддршка на Министерството за животна средина и просторно планирање.
Во рамките на Проектот извршен е биолошки мониторинг на најважни растителни и животински видови и живеалиштето евлова шума во подрачјето на Белчишко блато, а направени се истражувања за валоризација на екосистемските услуги од блатото, како и истражување за социо-економското значење на блатото.
Снимен е документарен филм за промоција на овој биолошки и хидролошки важен локалитет и изработена е веб страница за блатото (www.belciskoblato.mk) .
Во идниот период со сите засегнати чинители ќе работиме за прогласување на блатото за заштитено подрачје на национално ниво, а блатото е веќе идентификувано како идно европско заштитено подрачје во рамките на мрежата НАТУРА 2000.
Macedonian
Albanian
Dutch
English
French
German
Greek
Polish
Serbian
Turkish