Mar 20, 2019
Во нашата изборна програма ја зацртавме нашата визија за Дебрца како општина со одржлив економски развој, доволно атрактивна за привлекување на нови инвестиции, што индуцира пораст на вработеноста и останување на младите, со изградена локална инфраструктура, посакувана дестинација за рурален туризам, еколошки чиста средина и производство на здрава храна, заштитено културно-историско и природно наследство, подобрена социјална средина, привлечно место за живеење и создавање .
За да дојдеме до посакуваната цел најнапред е потребно да се изработат основните стратешки документи.
Минатата година ја донесовме Стратегијата за енергетска ефикасност на општината, како и Планот за зачувување на Белчишкото Блато-Сини Вирој.
Со цел остварување на визијата за современа и економски развиена Дебрца, општината моментално работи на подготовка на уште три стратешки документи.
Со финансиска и стручна помош од тимот на UNDP се изработува Интегриран план за локален развој. Целта на овој документ е преку инклузивен пристап на сите засегнати чинители да се детектираат предностите, слабостите, потребите и можностите во општината. Врз основа на тоа да се формираат стратешките цели, да се определат мерките и преку реализација на потребните проекти да се оствари визијата.
Исто така, со финансиска ( одобрени 5000 евра ) и стручна помош од тимот на UNDP ќе се изработи нов Локален еколошки акционен план ( ЛЕАП ), а за што советот на општината на последната седница едногласно ја прифати иницијативата на градоначалникот.
Со средства од Буџетот на општината во тек е изработка на Физибилити студија за реконструкција и модернизација на јавното осветлување во општината.
При изработката на овие стратешки документи се владееме од “Агенда 2030” на Обединетите Нации, која содржи 17 цели за одржлив развој.
Мотото на “Агенда 2030” е “Никој не смее да биде запоставен” , а се со единствена цел, да се обезбеди континуиран напредок на квалитетот на живот и благосостојба и да се обезбеди одржлив развој за сегашните, без да се загрози можноста за задоволување на потребите на идните генерации.
Mar 4, 2019
Ветивме дека ќе го подигнеме квалитетот на комуналните услуги на едно пристојно ниво, соодветно на потребите на граѓаните на општина Дебрца.
Една од мерките за постигнување на таа цел е набавка на нова механизација за Јавното комунално претпријатие.
Денес конечно е реализирана набавката и од страна на избраните добавувачи е испорачана механизацијата и тоа:
– универзален ровокопач натоварувач ЈЦБ, опремен со нож за чистење на снег и мини ровокопач на гумена гусеница ЈЦБ, во вкупна вредност од 5.892.191 денари;
-трактор со приклучна механизација-приколка, мулчер и нож за чистење на снег, во вредност од 2.441.550 денари и
-теренско возило Лада Нива, во вредност од 714.347 денари.
Вкупната вредност на механизацијата изнесува 9.048.088 денари или 147.000 евра, а средствата се обезбедени од ЕУ ИПА грант ( 111.000 евра ), грантот за успешност ( 10.000 евра ) и буџетот на општина Дебрца ( 26.000 евра ).
Во оваа прилика, изразувам благодарност до Делегацијата на ЕУ во Македонија за обезбедениот грант, Министерството за финансии кое го спроведуваше проектот / МСИП проектот за подобрување на општинските услуги и советниците во советот на општина Дебрца, кои едногласно го поддржаа овој проект.
На Јавното комунално претпријатие му посакувам успешно користење на механизацијата и грижа за истата како добри и совесни домаќини.
Граѓаните на Дебрца сакам да ги уверам дека дека ова не е крајот на нашите заложби да обезбедиме квалитетни комунални услуги.
Напротив, во подготовка или во тек се и други проекти за кои набргу ќе информираме.
И да им посакам со здравје и леснотија да си ја користат новата механизација. – изјави градоначалникот Зоран Ногачески по извршувањето на техничкиот прием на механизацијата.
Oct 10, 2018
Започнавме со реализација на уште еден капитален проект во општина Дебрца.
Се работи за реконструкција на две улици во село Мешеишта, во должина од 998 метри.
Со проектот се планира машинско стругање и машински ископ на постојната асфалтна површина, тампонирање, асфалтирање, уредување на дел од банкините со бекатон плочки-тротоари, решавање на проблемот со одводнувањето долж улиците (изградба на бетонски канали, бетонски каналети, цевасти пропусти, бетонски плочи, метални решетки ), уредување на просторот пред селската чешма.
Изведувач на градежните работи е АДГ Илинден Струга.
Вкупната вредност на работите изнесува 9.061.907,67 денари без ДДВ или 147.000 ЕУР.
Средствата се обезбедени од грант на ЕУ ИПА.
Oct 10, 2018
Во рамките на активностите за одбележување на Денот на европската соработка, денес, заедно со парнерите, Јавното претпријатие за управување и заштита на повеќенаменската област “Јасен” и Шумарскиот факултет го претставивме и симболично го означивме почетокот на Проектот “Подобрување на конзервацијата на приоритетните растенија во меѓу-граничната област / Македонија-Грција”.
Наши партнери од Република Грција се Грчката национална организација за земјоделски науки “Деметер” Солун и општина Терми, Солун.
Проектот е финансиран од Европската Комисија, Interreg IPA-Cross Border Cooperation Programme MK GR ( 85 % ) и Министерството за локална самоуправа на РМ ( 15 % ).
Целта на Проектот е да се обезбеди одржливо управување со заштитените области, екосистемите и биодиверзитетот.
Со Проектот за општина Дебрца се обезбедени вкупно 219.555,79 ЕУР, кои ќе се искористат за повеќе проектни активности, како што се:
-подготовка на оригинални слики и видеа од локална флора во Белчишкото Блато, развој на мобилна андроид апликација и реконструкција на објект во село Белчишта и негова адаптација во изложбен објект / музеј за флората на Белчишкото Блато.
Проектот е во функција на нашите заложби Дебрца ( во случајов Белчишкото Блато “Сини Вирој” ) да прерасне во атрактивна еко туристичка дестинација.
Mar 22, 2018
Врз основа на член 35 став 1, 2, 3, 4, 5, 6, 7 и 13 од Законот за просторно и урбанистичко планирање („Службен весник на Република Македонија“ бр. 199/2014, 44/2015, 193/2015, 31/2016 и 163/2016), Општина Дебрца, го дава следното:
С О О П Ш Т Е Н И Е
Се известуваат граѓаните, правните лица од просторот опфатен со Урбанистички план за село Злести, КО Злести, Општина Дебрца, државната управа, научните и стручните организации, Општина Дебрца, организира:
ПОВТОРНА ЈАВНА ПРЕЗЕНТАЦИЈА И ЈАВНА АНКЕТА
По предлог – УПС за село Злести, Општина Дебрца, кој опфаќа простор од 66,11 ха, со следните граници:
Граници на опфатот се:
| УПС ЗЛЕСТИ |
|
X |
Y |
| СЕВЕР |
485 357.335 |
572 280.067 |
| ИСТОК |
486 568.155 |
571 158.074 |
| ЈУГ |
486 349.361 |
570 041.816 |
| ЗАПАД |
485 355.124 |
572 240.039 |
Повторната Јавната анкета и јавната презентација по Предлог – Урбанистичкиот план за село Злести, КО Злести, Општина Дебрца со тех.бр. 0801-05-01/16 од 03/2018 год., изработен од “Иванов Инженеринг” – ДООЕЛ, Битола, ќе се спроведе со излагање на Предлог планот во просториите на Општина Дебрца.
Јавната анкета ќе трае 5(пет) работни дена и тоа од 23.03.2018 год. до 29.03.2017 год., секој работен ден од 8:30 до 16:30 часот.
Во споменатиот рок, заинтересираните граѓани и правни лица од конкретното подрачје опфатено со планот можат да доставуваат писмени забелешки, предлози и мислења на анкетните листови.
Јавната презентација со стручно презентирање на планот ќе се одржи на ден 29.03.2018 година (четврток) во 12:00 часот во просториите на Општина Дебрца.
Со Почит,
ГРАДОНАЧАЛНИК
Зоран Ногачески
Mar 22, 2018
Врз основа на член 35 став 1, 2, 3, 4, 5, 6, 7 и 13 од Законот за просторно и урбанистичко планирање („Службен весник на Република Македонија“ бр. 199/2014, 44/2015, 193/2015, 31/2016 и 163/2016), Општина Дебрца, го дава следното:
С О О П Ш Т Е Н И Е
Се известуваат граѓаните, правните лица од просторот опфатен со Урбанистички план за село Волино, КО Волино, Општина Дебрца, државната управа, научните и стручните организации, Општина Дебрца, организира:
ПОВТОРНА ЈАВНА ПРЕЗЕНТАЦИЈА И ЈАВНА АНКЕТА
По предлог – УПС за село Волино, Општина Дебрца, кој опфаќа простор од 71,55 ха, со следните граници:
Граници на опфатот се:
| УПС ВОЛИНО |
|
X |
Y |
| СЕВЕР |
479080.43 |
564683.48 |
| ИСТОК |
479196.76 |
563661.58 |
| ЈУГ |
478097.95 |
563426.36 |
| ЗАПАД |
477789.15 |
564151.01 |
Повторната Јавната анкета и јавната презентација по Предлог – Урбанистичкиот план за село Волино, КО Волино, Општина Дебрца со тех.бр. 0801-03-07/16 од 03/2018 год., изработен од “Иванов Инженеринг” – ДООЕЛ, Битола, ќе се спроведе со излагање на Предлог планот во просториите на Општина Дебрца.
Јавната анкета ќе трае 5(пет) работни дена и тоа од 23.03.2018 год. до 29.03.2017 год., секој работен ден од 8:30 до 16:30 часот.
Во споменатиот рок, заинтересираните граѓани и правни лица од конкретното подрачје опфатено со планот можат да доставуваат писмени забелешки, предлози и мислења на анкетните листови.
Јавната презентација со стручно презентирање на планот ќе се одржи на ден 29.03.2018 година (четврток) во 12:00 часот во просториите на Општина Дебрца.
Со Почит,
ГРАДОНАЧАЛНИК
Зоран Ногачески
Macedonian
Albanian
Dutch
English
French
German
Greek
Polish
Serbian
Turkish