Jul 4, 2019
Во рамките на патната инфраструктура, ќе се реализираат два проекти кои со години беа заборавени, а за кои конечно се обезбедени средства за нивна реализација :
1.Реконструкција на општински пат за село Арбиново ( врска со М4 и општински пат за село Лактиње ), во должина од околу 1,2 км и
2.Доизградба на меѓуопштинска патна врска село Волино – село Мороишта ( делот во КО-Мороишта, општина Струга ), во должина од 1,4 км.
За двата проекти средствата се обезбедени од Програмата за рурален развој, односно преку Агенцијата за финансиска поддршка на земјоделството и руралниот развој, по поднесени апликации од Центарот за развој на Југозападниот плански развој, а на предлог на општина Дебрца за првиот патен правец и на предлог на општина Дебрца и Струга за вториот патен правец.
По завршувањето на постапката за избор на изведувач ( постапката ќе ја спроведе Центарот на Југозападен плански регион , а општините се должни да обезбедат учество од сопствениот буџет од 18 %, односно да го платат износот на ДДВ), очекуваме во текот на Август и Септември проектите да бидат завршени.
Ветивме, исполнуваме. Зборот е збор !
Jun 15, 2019
Заврши уште една учебна година во основното образование.
Накратко, сумираме што имплементиравме како локална самоуправа за нашите ученици:
-за првпат воведовме ужинка за сите ученици, за што од буџетот издвоивме околу 1.300.000 денари,
-со поддршка на фондацијата “ Капинков ” обезбедивме училишен прибор за првачињата,
-обезбедивме превоз за еднодневните ученички екскурзии и за други наставни активности,
-обезбедивме надгледни средства за училиштето, вредност 100.000 денари,
-обезбедивме финансиска поддршка за талентираните ученици за учество на регионални и државни натпревари,
-за првпат доделивме парични награди за Првенец и ученици на генерацијата, вредност 30.000 денари,
-градоначалникот на општината беше генерален покровител на Училишниот атлетски крос,
-финансиски го помогнавме оддржувањето на отворените фудбалски школи,
-го плативме осигурувањето за сите ученици,
-обезбедивме средношколски и студентски стипендии.
И додека учениците се на заслужениот летен распуст ќе работиме на подобрување на условите во основното образование:
-инсталирање на централно греење во основните училишта во село Мешеишта и село Требеништа,
-замена на котелот за греење во училиштето во село Лешани.
Ученици, среќен распуст, се гледаме во Септември.
Jun 13, 2019
Денес во Подрачното училиште во село Мешеишта градоначалникот Ногачески присуствуваше на предавањето на свидетелствата на учениците од IX одделение за завршено основно образование .На настанот, по предлог на наставниците, на ученикот Филип Вичороски, градоначалникот Ногачески, во име на општина Дебрца, свечено му додели плакета за ученик на генерација 2015-2019 во ОУ “Дебрца” – Белчишта.
На ученикот на генерација општината му доделува и парична награда, од 15.000 денари.
На сите полуматуранти уште еднаш им го честитам завршувањето на основното образование и им посакувам многу успех во понатамошното образование. – рече градоначалникот Ногачески по доделувањето.
Jun 10, 2019
CANCELLATION
OF A SUPPLY TENDER PROCEDURE
Reproduction of Communication, Information and Educational Material
1. Publication reference
CONSE-PP-CN1-SO2.3-SC035-12-1065/1
2. Date of publication
15 May 2019
3. Programme title
Interreg IPA Cross Border Cooperation Programme CCI 2014 TC 16 I5CB 009
4. Contracting authority
Municipality of Debrca, Republic of North Macedonia
5. Reason for cancellation
The tender procedure was unsuccessful, no tenders applied for the tender within the specified period. The assumption is that the predefined deadline for application is short for completing all tender documents.
Notes:
Should a new tender procedure be launched for this project, a new contract notice will be published, unless the contracting authority awards the contract through a negotiated procedure – in which case only the award of the contract will be published.
May 31, 2019
Денес во продажниот салон на “Синпекс”, во Битола градоначалникот Ногачески. присуствуваше на свечениот настан, чинот на потпишувањето на договорот со кој на општина Дебрца и се отстапува на трајно користење универзален ровокопач, со придружна опрема ( хидрауличен чекан и даска за снег ) марка Hidromec.
Механизацијата е обезбедена во рамките на Проектот: “Подобрување на општинските услуги”, имплементиран од Светска Банка и Министерство за финансии, а со средства обезбедени од Инструментот за претпристапна помош на ЕУ ( ИПА ). На настанот свое обраќање имаа Д-р. Драган Тевдовски, Министер за финансии и Никола Бертолини, раководител во Секторот за соработка во Делегацијата на ЕУ. Согласно Проектот, механизацијата покрај општина Дебрца, како апликант ќе можат да ја користат и партнерските општини Струга и Вевчани.
Со добивањето на механизацијата ќе се зголемат капацитетите на општините за подигнување на квалитетот на општинските услуги. Општина Дебрца во изминатава година и пол имплементира неколку проекти со средства на ЕУ, со кои се подобрија условите во руралната инфраструктура или во испораката на општинските услуги. И во наредниот период продолжуваме со реализација на неколку проекти, за кои средствата се обезбедени од фондовите на ЕУ, за што во оваа прилика изразувам голема благодарност до Делегација на ЕУ. – изјави градоначалникот Зоран Ногачески по потпишувањето на договорите.
Macedonian
Albanian
Dutch
English
French
German
Greek
Polish
Serbian
Turkish