Select Page
Oпштина Дебрца се приклучува на акцијата “ГЕНЕРАЛКА ВИКЕНД”

Oпштина Дебрца се приклучува на акцијата “ГЕНЕРАЛКА ВИКЕНД”

Apr 27, 2023

Општина Дебрца, ЈКП Дебрца и ООУ Дебрца  се приклучуваат кон акцијата  за собирање и чистење на отпад Во организација на “МЕН EНД МАУНТЕН”, Заедно со Пивара Скопје и ПАКОМАК, со поддршка од Нула Отпад и Шпаркасе Банка на 12.05.2023 година каде е предвидено акција да започне на две локации и тоа: Училишниот двор на  ООУ,, Дебрца”- село Белчишта и пред  Административната зграда на Општина Дебрца – село Белчишта. Учесниците заеднички ќе пристапат на  чистење на главната улица од влезот на село Белчишта, Плато пред Општина Дебрца, како и Училишниот Двор  на ООУ ,, Дебрца”.

МЕН ЕНД МАУНТЕН ја организира оваа пролетна акција за чистење секој втор викенд од Мај во период од десет години: почнувајќи од 2021 се до 2031 година (од 30-ти до 40-тиот роденден на нашата земја) со цел да се исчисти отпадот кој се создава и да го рециклираме во зелена иднина за нас и за генерациите кои доаѓаат.

Оваа ГЕНЕРАЛКА ВИКЕНД 23 ќе се одржи на 12.-14. Мај 2023 година во

53 општини – што претставува повеќе од 1.500.000 граѓани. Годинешната ГЕНЕРАЛКА ВИКЕНД вклучува:

– 53 општини учеснички

– повеќе од 85% од вкупното население на Северна Македонија

– повеќе од 13.000 волонтери

– повеќе од 400 училишта

Согласно меморандумот меѓу Министерството за земјоделство и ДОО „Мен енд Маунтен “Организаторот има цел за секои 10 килограми собран отпад да биде засадено по едно дрво и да се формира шума што ќе расте секоја година со секоја ГЕНЕРАЛКА.

Одржана работна средба со претставници на Секретаријатот на Бернската ковенција во делот за заштита на природното наследство

Одржана работна средба со претставници на Секретаријатот на Бернската ковенција во делот за заштита на природното наследство

Apr 26, 2023

Градоначалникот Ногачески присуствуваше на средбата со претставници на Секретаријатот на Бернската конвенција во делот на заштита на природното наследство, претставници на Рамсарска конвенција за заштита на водните живеалишта со меѓународно значење и експерти на Конвенцијата за заштита на светското културно и природно наследство (УНЕСКО ), која се одржа во Охрид.

Тема на разговор беше заштитата на светското природно и културно наследство во Охридскиот регион и исполнувањето на препораките на Унеско.

Остануваме посветени на потребата од интегрална заштита на Регионот, при што потребно е да се постигне баланс меѓу обезбедувањето на заштитениот статус и економскиот развој на Регионот, односно симбиоза меѓу човекот и природата.

 

 

 

Честитка по повод Рамазан Бајрам

Честитка по повод Рамазан Бајрам

Apr 21, 2023

 

 

На сите верници од исламската вероисповед им го честитам големиот муслимански верски празник Рамазан Бајрам.

Рамазан Бајрам е радост за сите муслимански верници, вдахновение на љубовта, верноста, мирот, како и поттик за создавање на што подобри односи со блиските, пријателите и со сите луѓе со добра волја.

Нека овој Рамазански Бајрам уште еднаш нè потсети на трајноста на овие духовни вредности и дека со нивно негување, исполнетост со меѓусебно почитување, соживот и соработка, можеме да постигнеме темелен напредок во нашето општество.

 

Честит Рамазан Бајрам

ИЗВЕСТУВАЊЕ за достапност на документ Контролна листа на План за управување со животната средина и социјални аспекти (ПУЖССА) за ,, Рехабилитација на локална улица во н.м Волино Општина Дебрца” во рамките на Проектот за поврзување на локални патишта

ИЗВЕСТУВАЊЕ за достапност на документ Контролна листа на План за управување со животната средина и социјални аспекти (ПУЖССА) за ,, Рехабилитација на локална улица во н.м Волино Општина Дебрца” во рамките на Проектот за поврзување на локални патишта

Apr 20, 2023

ИЗВЕСТУВАЊЕ  за достапност на документ Контролна листа на План за управување со животната средина и социјални аспекти (ПУЖССА) за Контролна листа на ПУЖССА за ,, Рехабилитација на локална улица во н.м Волино Општина Дебрца” во рамките на Проектот за поврзување на локални патишта.

Во рамки на “Проектот за поврзување на локални патишта во РСМ” кој се реализира од страна на Единицата за имплементација на проект при Министерството за транспорт и врски со финансиска поддршка од Светска Банка, а со цел подобрување на локалната патна инфраструктура, општина Дебрца аплицираше со проект за „Рехабилитација на локална улица во н.м. Волино во општина Дебрца“. Согласно Рамката за животна средина и социјални аспекти изготвена врз основа на барањата на Светска Банка  за Проектот, беше подготвен документ “Контролна листа на План за управување со животна средина и социјални аспекти” во кој се анализирани влијанијата врз животната средина и социјалните аспекти кои ќе произлезат од планираните активности на Проектот. Документот “Контролна листа на План за управување со животна средина и социјални аспекти” е ставен на јавен увид на 20.04.2023 година официјалните веб страници на:

 

 

Вашите коментари може да ги доставите во рок од 14 дена од поставување на документот на Интернет страницата.

20230420_ESMP Checklist Debrca_MK

20230420-ФОРМУЛАР ЗА КОМЕНТАРИ

19-та седница на Советот на општината Дебрца

19-та седница на Советот на општината Дебрца

Apr 20, 2023

Врз основа на член 39 став 2 од Законот за локалната самоуправа (“Службен весник на РМ”, број 5/2002) и член 22, став 2 од Статутот на општината Дебрца (“Службен гласник на општината Дебрца”, број 3/2005), донесувам:  

                          Р  Е  Ш  Е  Н  И  Е

за свикување на 19-та седница на Советот на општината Дебрца

 

 Ја свикувам 19–та седница на Советот на општината Дебрца.Седницата ќе се одржи на ден  27.04.2023 година (четврток), со почеток во 13.00 часот, салата за седници на Советот на општината Дебрца.За седницата се предлага следниот:     

                                                                                                                           Д Н Е В Е Н  Р Е Д                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

  1. Усвојување на записник од 18-та седница на Советот на општина Дебрца
  2. Предлог – Одлука за усвојување на годишниот извештај за реализација на програмата за развој на Југозападниот плански регион за 2022 година
  3. Предлог – Одлука за усвојување на Завршна сметка за 2022 година за Центарот за развој на Југозападен плански регион и за проектот : „одржлив и инклузивен рамномерен развој“
  4. Предлог – Годишна програма за дополнување на годишната програма за рзвој на локалната инфраструктура и комуналните услуги во општина Дебрца за 2023 година
  5. Предлог – Годишна програма за дополнување на Годишната програма за развој на спортот во општина Дебрца за 2023 година
  6. Предлог – Одлука за предавање во сопственост на движни ствари – пластични канти за комунален отпад
  7. Предлог – Правилник за дополнување на Правилникот за условите, критериумите и начинот на доделување еднократна парична помош од Буџетот на општина Дебрца
  8. Предлог – Одлука за доделување еднократна парична помош

 

Советнички прашања

 

 

СОВЕТ НА ОПШТИНА ДЕБРЦА

                                                                                                    Претседател,

                                                                                                  Илчо Алексоски

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  

 

mk Macedonian
sq Albaniannl Dutchen Englishfr Frenchde Germanel Greekmk Macedonianpl Polishsr Serbiantr Turkish
Accessibility by WAH