Со поставувањето на командната табла денес во функција ставена е новата вертикална центрифугална пумпа во пумпната станица за водоснабдување на село Мешеишта, а со цел да се обезбеди поекономично водоснабдување и помали трошоци за електрична енергија.
Инвестирани се 771.040 денари,обезбедени од Буџетот на општината за 2024 година.
Во текот на Вчерашниот ден се изврши и последната фаза од процесот на спроведување на програмата за заштита на населението од заразни болести, се изврши дератизација на канализационите системи во општината.
Во процесот на дератизација беа опфатени 920 шахти во населените места, Белчишта, Регионален колектор од село Мешеишта до Оровник, село Мешеишта, село Волино, Село Горенци и село Оровник.
Средствата се обезбедени од буџетот на општина Дебрца.
Деновиве се извршени зафати во пумпната станица за водоснабдување на село Мешеишта,чија цел е да се обезбеди поекономично водоснабдување и помали трошоци за електрична енергија.
Монтирани се нова вертикална центрифугална пумпа и командна табла,кои по извршено тестирање се очекува да бидат ставени во функција.
Средствата се обезбедени од Буџетот на општината за 2024 година.
Во село Сливово по санацијата на каптажата извршена е изведба на доводен крак за водоснабдување, во должина од 400 метри за потребите на жителите на село Сливово.
Средствата се обезбедени од буџетот на општина Дебрца.
Во село Мешеишта привршува доизградбата на канализациониот систем, во деловите/улиците кои не беа опфатени со првичниот проект од пред неколку години.
Во оваа фаза се изградени 7 секундарни краци, во должина од 590 метри, а поставени се и 16 ревизиони шахти.
Вкупната вредност на работите изнесува 2.614.262 денари,од кои 2.500.000 се обезбедени од Министерството за животна средина и просторно планирање,Програма за животна средина за 2024 година, а 114.262 денари се од Буџетот на општината за 2024.
Општината ќе издвои дополнителни средства од Буџетот за 2024 година за доизградба на уште неколку канализациони краци.
Во текот на Вчерашниот ден Градоначалникот на Општина Дебрца Зоран Ногачески ја прифати неотповикливата оставка на директорот на ЈПКД Дебрца,Димче Андрески, на кого му изрази благодарност за досегашната соработка и успех во неговите идни професионални ангажмани.
За ВД директор на јавното претпријатие е именуван Тино Секулоски дипломиран менаџер по осигурување, од редот на вработените,на кого му посакува успешно справување со сите предизвици,со кои се соочува јавното претпријатие,а во интерес на корисниците на услугите.
Macedonian
Albanian
Dutch
English
French
German
Greek
Polish
Serbian
Turkish