Aug 23, 2024
Вчера во посетта на општина Дебрца гостин беше Г дин Пали Колефски,градоначалник на Општина Пустец (Албанија).
Во рамки на средбата е разговарано за актуелната состојба во двете локални самоуправи, како и за секојдневните предизвици со кои се соочуваме како единици на локалната самоуправа.
Притоа, се разменија позитивни искуства во остварувањето на надлежностите, во насока на подобрување на животните услови на своите граѓани.
Посебно разговаравме за можностите и досегашните искуства во искористувањето на средства од програмите за прекугранична соработка Македонија-Албанија.
Изразувајќи благодарност за посетата, Градоначалникот на општина Дебрца ја прифатив поканата за наша посета на општина Пустец и остварување на подлабока соработка на општина Дебрца и општина Пустец,рурални македонски општини од двете страни на границата помеѓу Македонија и Албанија.
Aug 23, 2024
Во текот на Вчерашниот ден градоначалникот на Општина Дебрца ги прими учесниците на шестото издание на Балканскиот поетски камп за млади „Ванчо Николески“,кој е во организација на Друштвото за литература и култура „Мацково.
Од страна на организаторот и учесниците е информиран дека годинава, како плод на воспоставената прекугранична соработка со Организацијата за литературно и културно активирање, од Корча, Албанија, Кампот внесува нова содржина, со тоа што учесниците и организаторите ќе ја посетат и Мала Преспа, Албанија.
Од страна на градоначалникот е истакнато дека ние сме посебно горди што основоположникот на македонската литература за деца и млади, Ванчо Николески е родум од Црвена Вода,Дебрца и дека со одржувањето на Кампот се оддава посебен пиетет на неговото дело.
Сите ние како ученици образованието сме го започнувале со неговите дела.
Општината секоја година финансиски го поддржува Кампот,а така ќе биде и во иднина.
Aug 20, 2024
Најзначајната спортска манифестација која во моментов се оддржува во општина Дебрца е 26 то издание на Турнирот во мал фудбал “Богородица Куп 2024” Волино.
Општина Дебрца и оваа година е генерален покровител на турнирот и истиот го помогна со 60.000 денари.
Општината ги помогна и следните спортски манифестации:
Турнир “Св.Никола” Требеништа, со 60.000 денари
Турнир “Петровден “Мешеишта,со 60.000 денари,
Меморијален турнир “Кире Николоски Камачо”,Лешани,со 30.000 денари,
Турнир “Илинден 2024”,Оровник,со 60.000 денари,
Средба на генерации на ФК.”Дебрца”,Белчишта,со 15.000 денари
Меморијален турнир “Михаел Мирчески”, Слатино,со 30.000 денари.
Фк “Сатеска” Волино и ФК “Славеј” Мешеишта,кои ќе настапуваат во регионалната лига ќе добијат финансиска поддршка од по 100.000 денари,а фудбалските клубови кои ќе се натпреваруваат во општинската лига по 30.000 денари.
Како општина определени сме и во иднина да даваме поддршка на спортот и младите.
Aug 18, 2024
Народноослободителен баталјон „Мирче Ацев“ (Прв баталјон на Втората оперативна зона на НОВ и ПОМ) — прва регуларна воена единицица на НОВ и ПОМ. Бил формиран на Славеј Планина на 18 Август 1943 година од околу 200 борци од Преспанско-битолскиот НОПО,, Дамјан Груев”, делови од Велешкиот НОПО ,,Димитар Влахов”, делови од Прилепскиот НОПО ,, Ѓорче Петров” и новопристигнати борци од Дебрца.
На почетокот на месец септември 1943 година извршил значаен борбен поход во кој била создадена првата слободна територија во Македонија во Дебрца и ослободен првиот град – Кичево. Почнувајќи со акции од баталјонот извршил напади на италијански карабинерски станици во Охридско, урнал три моста на патот Кичево-Охрид, исекол 130 ПТТ столбови, на 11 ноември ја запалил жандармериската станица во селото Сливово, а на12 септември влегол во првиот ослободен град -Кичево, каде учествувал во разоружувањето на италијанскиот гарнизон.
Баталјонот бил расформиран на 11 ноември 1943 година, во селото Сливово во Општина Дебрца каде влегол во составот на Првата македонска НОУ бригада. По осамостојувањето на Македонија, во 1992 година, денот на формирањето на баталјонот -18-ти август е прогласен за Ден на Армијата на Македонија
Денешниот ден е и ден во кој не смееме да ги заборавиме сите оние кои загинаа и кои ги положија животите за својата татковина, Македонија.
Вечно нека се памети нивниот пример за тоа како се сака и како се брани сопствената земја.
Од име на Градоначалникот на Општина Дебрца и од името на граѓаните на општина Дебрца на сите припадници на Армијата им го честитаме 18-ти Август – Денот на македонската Армија.
Aug 12, 2024
Денес во општина Дебрца се оствари средба на Градоначалникот Зоран Ногачески со Г- дин Зоран Ќосески,почесен конзул на Македонија во Перт,Австралија.
Г динот Ќосески на повеќе пати организира македонски бизнисмени во Австралија,преку кои се даваат донации за општината,особено за учениците од ,,ООУ Дебрца”.
Конзулот потсети и на можноста да се користат и некои мали грантови кои ги дава Австралиската влада.
Од страна на Градоначалникот е изразена благодарност за поддршката која се дава на Општина Дебрца.
Aug 10, 2024
Во село Злести, со пригодна свеченост, во организација на гостопримливите злестовци,со ревијален натпревар и сечење на лента се пушти во употреба новиот мултифункционален спортски полигон,изграден во центарот на селото на местото од руината на дел од селскиот дом.
Вкупната вредност на работите изнесуваше 3.998.672 денари,од кои 2.500.000 ги обезбеди Бирото за регионален развој,Програма за развој на подрачја со специфични развојни потреби, а 1.498.672 денари се обезбедени од Буџетот на општина Дебрца за 2024 година.
Нека е аирлија и со здравје да се користи,исполнет со поголем број на дечиња и секако за рекреација и на повозрасните.
Macedonian
Albanian
Dutch
English
French
German
Greek
Polish
Serbian
Turkish